पुणे : टाऊनशीपमध्ये टोकदार टायर किलर, वन वे मोडल्यास टायर फाटणार

पुणेकरांना धडा शिकवण्यासाठी अमेनोरा टाऊनशिपनं एक जालीम उपाय शोधला आहे. पुण्यात जिथे जास्तीत जास्त अपघात होतात, अशा ठिकाणी टायर किलर बसवण्यात आले आहेत. या टायर किलरमध्ये बसवण्यात आलेल्या अणुकूचीदार टोकामुळे चुकीच्या दिशेनं वाहन चालवणाऱ्यांच्या गाडीचा टायर पूर्णपणे फाटून जाणार आहे. चुकीच्या दिशेनं वाहनं चालवू नका, असं वारंवार सांगूनही चालक ऐकत नसल्यानं ही अनोखी शक्कल लढवावी लागली.