पुणे : काँग्रेस नेते पतंगराव कदम यांच्यावर आज अंत्यसंस्कार

काँग्रेसचे ज्येष्ठ नेते पतंगराव कदम यांच्या पार्थिवावर आज संध्याकाळी 4 वाजता सांगलीत अंत्यसंस्कार होणार आहेत. त्यांचं पार्थिव आज पहाटेच मुंबईहून पुण्याकडे रवाना झालं. सकाळी साडेसातच्या सुमारास पार्थिव पुण्यातील सिंहगड बंगल्यावर दाखल झालं.पुण्यात त्यांचं पार्थिव अंत्यदर्शनासाठी धनकवडी येथे भारती विद्यापीठात ठेवलं आहे. त्यानंतर पार्थिव सांगलीकडे रवाना होईल.