पुणे : ओंकारेश्वर मंदिरातील आगीची दुर्घटना अग्निशमन दलामुळे टळली

पुण्यात शनिवार पेठेतील ओंकारेश्वर मंदिराजवळ आज आगीची घटना घडली. मात्र अग्निशमन दलाच्या तत्परतेमुळे मोठा अनर्थ टळला. सकाळी 8 वाजता ओंकारेश्वर मंदिरात गॅस सिलेंडरनं पेट घेतला. यानंतर तातडीनं कसबा अग्निशमन दल घटनास्थळी दाखल झालं. अग्निशमनच्या जवानांनी क्षणाचाही विलंब न करता पाण्याचा मारा करुन अवघ्या 5 मिनिटात आगीवर नियंत्रण मिळवलं. गॅस शेगडी सुरु असताना सिलेंडरमधून गळती झाल्यानं ही आग लागल्याची प्राथमिक माहिती आहे.