स्पेशल रिपोर्ट : पुणे : रचना चुकल्याने खांब तोडण्याची मेट्रो कंपनीवर नामुष्की

पुणेकरांच्या जिव्हाळ्याचा आणि बहुचर्चित प्रवासी वाहतूक प्रकल्प असलेल्या मेट्रोची विघ्न काही केल्या संपत नाहीय. सध्या मुठा नदीच्या पात्रात मेट्रोकडून खांब उभारले जात आहेत. मात्र यातील एका खांबाची रचना चुकली आहे. परिणामी तो खांबाच तोडून टाकण्याची नामुष्की मेट्रो कंपनीवर आली आहे. मेट्रोचा खांब उभारताना पायामधे ओतलेलं सिमेंट काँक्रीट खचल्यामुळे संपूर्ण खांबच नव्याने उभारावा लागणार आहे. परिणामी पुणे मेट्रोच्या कामाला आणखी काही वेळ लागण्याची शक्यता आहे.