पुणे : लोणीकाळभोरमध्ये वाळूच्या डंपरला सिमेंटच्या ट्रकची धडक, चालक जखमी

पुणे-सोलापूर महामार्गावर लोणी काळभोर टोलनाक्याजवळ वाळूच्या उभ्या असलेल्या डंपरला सिमेंट वाहतूक करणाऱ्या ट्रकने मागून धडक दिली... या घटनेत ट्रकचा चालक सिकंदर अंसारी हा जखमी झाला... दरम्यान अपघातानंतर ट्रकचालक जखमीवस्थेत अडकल्याचं पोलिसांना आढळलं आणि त्यांनी ते अग्निशमन दलाला कळवलं... अग्निशमनचे जवान घटनास्थळी पोहोचताच त्यांना चालक शुद्धीत असल्याचं दिसलं... त्यानंतर जवानांनी कटर आणि स्प्रेडरच्या साहाय्यानं ट्रकचालकाची सुखरूप सुटका केली... अपघातात चालकाच्या चेहऱ्याला आणि पायाला गंभीर दुखापत झालीय... तर, चालक सिकंदर अंसारीला उपचारासाठी रुग्णालयात दाखल करण्यात आलं आहे...