राज्याच्या काही जिल्ह्यांना अवकाळी पावसाचा तडाखा

एकीकडे उन्हाचा तडाखा बसलाय तर दुसरीकडे काही जिल्ह्यांना वादळी पावसानं झोडपलं आहे. पुण्याच्या लवासा गेट परिसरात तुफान गारपीट झाली. तर मराठवाड्यातील लातूरमध्ये काल दुपारी झालेल्या पावसात मठाले नगरातील दुमजली घरावरची पत्रे कोसळली. त्यात एकजण गंभीर जखमी झाला आहे. तर अचानक आलेल्या या वादळाने चिपळूणकारांची चांगलीच धावपळ उडाली. तर तिकडे पोलादपूर परिसरात जोरदार गारपीट झाली. उस्मानाबादला पावसानं झोडपलं. राज्यात इतरत्र पाऊस सुरु असला तरी विदर्भात मात्र कडक ऊन पाहायला मिळत आहे.