पिंपरी : मैत्रिणीला सोडून रात्री घरी परतणाऱ्या दहावीच्या विद्यार्थ्याला चाकूने भोसकलं

अभ्यासानंतर मैत्रिणीला घरी सोडून परतणाऱ्या दहावीच्या विद्यार्थ्याची हत्या करण्यात आली आहे. पिंपरी-चिंचवडमध्ये हा धक्कादायक प्रकार घडला. रात्री साडेबारा वाजताच्या सुमारास वेदांत भोसलेला भोसकण्यात आलं.

दहावीत शिकणारा वेदांत आणि त्याची मैत्रीण वेदांतच्या घरी परीक्षेचा अभ्यास करत होते. रात्री बारा वाजताच्या सुमारास अभ्यास करुन झाल्यावर वेदांत मैत्रिणीला घरी सोडायला गेला. तिला सोडून परत येताना वेदांतवर एका व्यक्तीने चाकूने हल्ला केला.