बीड : दिलीप आपेटच्या अटकेसाठी ठेवीदार आक्रमक, आमरण उपोषणाचा इशारा

परळीसह उस्मानाबाद आणि भूम तालुक्यातल्या अनेकांना कोट्यवधी रुपयांना चुना लावून पळून गेलेल्या दिलीप आपेटला अटक करावी या मागणीसाठी आता ठेवीदार आक्रमक झाले आहेत. आपेटविरुद्ध पोलिस प्रशासनासह, मंत्री पंकजा मुंडे, विरोधी पक्षनेते धनंजय मुंडे यांना वारंवार निवेदन देऊनही काहीही झालेलं नाही. यामुळे या ठेवीदारांनी आमरण उपोषणाचा मार्ग स्वीकारण्याचा इशारा दिला आहे.

आपेटने 'शुभमंगल' नावाने मल्टीस्टेट क्रेडिट सोसायटी सुरु केली आणि 18 टक्के दराने व्याज देण्याचं आमिष दाखवून कोट्यवधी रुपये जमा केले. मात्र नोटबंदीनंतर आपेट फरार झाला. या ठेवीदारांनी वर्षभरापासून पोलिस प्रशासनापासून मंत्र्यांपर्यंत सगळ्यांचेच उंबरे झिजवले. मात्र यांना न्याय मिळाला नाही. अखेर या ठेवीदारांनी आमरण उपोषणास बसण्याचा इशारा दिला आहे.