सातारा : गावगुंडांच्या दहशतीविरोधात पाचगणीत कडकडीत बंद

पर्यटनासाठी प्रसिद्ध असलेल्या पाचगणीत आज कडकडीत बंद पाळण्यात आलाय. गावगुंडांच्या दहशतीविरोधात स्थानिक व्यापारी, रहिवाशांनी हा मोर्चा काढला. जवळपास 13 गावांनी एकत्र येत आपल्या विविध मागण्यांसाठी मोर्चा काढलाय.
पाचगणी आणि आजूबाजूच्या परिसरातील जमिनीच्या खरेदी विक्रीमध्ये मोठ्या प्रमाणमात बाहेरचे गुंड दहशत माजवतात. माहितीच्या अधिकाराचा गैरवापर करतात. असा मोर्चेकऱ्यांचा आरोप आहे.
त्यामुळे आज सकाळपासून दुकानं बंद ठेवण्यात आलीत तर रस्त्यावरही शुकशुकाट होता. या बंदचा मात्र पाचगणी फिरायला आलेल्या पर्यटकांना चांगलाच फटका बसला.