उस्मानाबाद : जन्माच्या अवघ्या सहा मिनिटांत चिमुकलीला आधारकार्ड

एकीकडे आधार कार्ड मिळवायला लोकांना महिने-महिने वाट पहावी लागते, तर तिकडे उस्मानाबादमध्ये जन्म झाल्यानंतर अवघ्या 6 मिनिटांमध्ये चिमुकलीला आधार कार्ड मिळालं आहे. पंतप्रधान मोदींनी डिजिटल इंडिया कार्यक्रमाअंतर्गत जन्मलेल्या बाळाला तात्काळ आधार देण्याची योजना सुरू केल्यानं हे शक्य झालं आहे. भावना जाधव असं या मुलीचं नाव असून काल दुपारी 12 वाजून 3 मिनिटांनी उस्मानाबादच्या जिल्हा रूग्णालयात तिचा जन्म झाला.