Nepal Advisory for Indian | भारतीयांनी Nepal प्रवास टाळावा, घरीच राहावे; सरकारकडून सूचना जारी

भारत सरकारने नेपाळमधील सद्यस्थिती पाहता भारतीयांसाठी मार्गदर्शक सूचना जारी केल्या आहेत. या सूचनांनुसार, नेपाळमध्ये प्रवास करणे टाळावे असे स्पष्ट करण्यात आले आहे. जे भारतीय नागरिक सध्या नेपाळमध्ये आहेत, त्यांनी आपल्या घरी किंवा वास्तव्याच्या ठिकाणीच थांबावे. घराबाहेर पडू नये आणि रस्त्यावर येऊ नये, अशी अत्यंत महत्त्वाची सूचना देण्यात आली आहे. भारतीयांनी सतर्कता बाळगावी आणि नेपाळ सरकार तसेच काठमांडू येथील भारतीय दूतावासाच्या सूचनांचे पालन करावे असे आवाहन करण्यात आले आहे. परिस्थिती क्षणोक्षणी बदलत असल्याने हे आवश्यक आहे. गरज भासल्यास भारतीय दूतावासाकडे संपर्क साधण्यासाठी क्रमांक देखील देण्यात आले आहेत: +977 980 860 2881 आणि 981 032 6134. भारत सरकार या परिस्थितीवर सतर्क असून, नागरिकांच्या सुरक्षिततेसाठी या सूचना समोर आणण्यात आल्या आहेत. "नेपाळमधील परिस्थिती पाहता त्या देशात प्रवास करणं टाळावं" ही मुख्य सूचना आहे.