Russia Ukraine:युध्दाच्या वणव्यात जोडप्यानं बांधली लग्नगाठ, किव्ह शहरात नोंदणी पद्धतीनं विवाह संपन्न

युक्रेनमधील युद्धामुळे सध्या त्या देशातील नागरिक आपला जीव वाचवण्यासाठी धडपडत आहेत...उद्याचा दिवस कसा असेल याची शाश्वती नाही... तरीही अनेकांनी जगण्याची आशा मात्र सोडलेली नाही...दिमित्रो आणि अॅना हे त्याचंच एक उदाहरण.. युक्रेनच्या किव्ह शहरात युद्ध सुरु असतानाच दिमित्रो आणि अॅना हे विवाह बंधनात अडकलेत.... काल त्यांनी किव्ह शहरात नोंदणी पद्धतीनं विवाह केला... सात वर्षापूर्वी डोनस्टेकमध्ये रशिया आणि युक्रेनमध्ये संघर्ष सुरु असताना दिमित्रो - अॅना एकमेकांना भेटले होते... आणि याच संघर्षाच्या काळात त्यांचं प्रेम फुलंलं. भविष्य कसं असेल याची कल्पना नाही मात्र आताचा क्षण एकमेकांसोबत जगण्यासाठी ही लग्नगाठ बांधल्याचं या दाम्पत्यानं सांगितलं. त्यामुळे युद्ध सुरु असतानाच त्यांनी लग्न बंधनात अडण्याचा निर्णय घेतलाय. युद्धामुळे भविष्यात काय होईल हे माहित नाही. त्यामुळे आम्ही आत्ताच लग्न करण्याचा निर्णय़ घेतलाय, अशी प्रतिक्रिया या नवविवाहीत जोडप्यानं दिलीये.