लातूर ग्रामीण जागेसाठी 'फिक्सिंग'चं राजकारण? संभाजी पाटील निलंगेकरांच्या वक्तव्यानंतर चर्चांना उधाण

लातूर : लातूर ग्रामीणच्या जागेवरून आता नवीन वादाला सुरुवात झाली आहे. जागा शिवसेनेनं आणि काँग्रेसने फिक्स केली होती, असा गौप्यस्फोट करून संभाजी पाटील निलंगेकर यांनी चर्चेला तोंड फोडले आहे. यावर युतीत हे झालंच कसं? असे मी थेट संभाजी पाटील निलंगेकर यांना विचारणा करणार असल्याचे अमित देशमुख यांनी म्हटलं. निलंगेकर यांना प्रतिआव्हाण करत देशमुखांच्या प्रश्नाला थेटच समोरच उत्तर देऊ म्हणत आपल्या भूमिकेवर ठाम असल्याचे त्यांनी दाखवून दिलं.