Mayur Shinde Thane : मयूर शिंदेंची राष्ट्रवादी युवक काँग्रेसच्या कार्याध्यक्षपदी निवड

Mayur Shinde Thane : मयूर शिंदेंची राष्ट्रवादी युवक काँग्रेसच्या कार्याध्यक्षपदी निवड राष्ट्रवादी काँग्रेसचे राष्ट्रीय अध्यक्ष शरद पवार यांच्या मान्यतेने तसेच प्रदेशाध्यक्ष जयंत पाटील,  राष्ट्रीय सरचिटणीस डाॅ.जितेंद्र आव्हाड आणि युवक प्रदेशाध्यक्ष मेहबूब शेख यांच्या मार्गदर्शनानुसार मयूर शिंदे यांची राष्ट्रवादी युवक काँग्रेसच्या ठाणे शहर कार्याध्यक्षपदी नियुक्ती करण्यात आली. मयूर शिंदे हे आक्रमक युवा कार्यकर्ते म्हणून ओळखले जात आहेत. ठाणे शहराच्या विविध भागात त्यांचा दांडगा जनसंपर्क असून वागळे इस्टेट परिसरात त्यांची प्रचंड ताकद आहे. त्यामुळेच राष्ट्रवादी काँग्रेसचे जिल्हाध्यक्ष सुहास देसाई आणि युवक अध्यक्ष विक्रम खामकर यांनी मयूर शिंदे यांची शिफारस केली होती. त्यानुसार आमदार डाॅ.जितेंद्र आव्हाड यांच्या हस्ते तसेच सुहास देसाई,  विक्रम खामकर यांच्या उपस्थितीत मयूर शिंदे यांना नियुक्तीपत्र देण्यात आले.