Badlapur Akshay Shinde Encounter : अक्षय शिंदेचा मृत्यू अती रक्तस्त्रावाने, शवविच्छेदन अहवालातून उघड
Download ABP Live App and Watch All Latest Videos
View In Appअती रक्तस्त्रवाने मृत्यू झाल्याचं शवविच्छेदनातून उघड
अक्षय शिंदेचा मृत्यू अती रक्तस्त्रावाने झाल्याचं त्याच्या शवविच्छेदन अहवालातून उघड झालं आहे. अक्षय शिंदेच्या डोक्याला एक गोळी लागल्याचं शवविच्छेदन अहवालात नमूद आहे. प्राथमिक शवविच्छेदन अहवाल मुंब्रा पोलिसांना सुपूर्द करण्यात आला आहे.
जेजे रुग्णालयात सात तास सुरु असलेल्या शवविच्छेदन प्रकियेची व्हिडीओग्राफी करण्यात आली आहे. जेजे रुग्णालयाच्या पाच डॉक्टरांच्या पॅनलने अक्षय शिंदेचं शवविच्छेदन केलंय.
Badlapur Encounter : बदलापूर प्रकरणातील पुरावे नष्ट करण्यासाठीच अक्षय शिंदेचा एन्काऊंटर, वडिलांची उच्च न्यायालयात धाव
मुंबई : बदलापूर प्रकरणातील पुरावे नष्ट करण्यासाठीच माझ्या मुलाची हत्या करण्यात आल्याचा आरोप अक्षय शिंदेच्या वडिलांनी केला असून तशा आशयाची याचिका त्यांनी मुंबई उच्च न्यायालयात दाखल केली आहे. या याचिकेवर बुधवारी तातडीची सुनावणी करण्यात येणार आहे.
बदलापूर येथील शाळेत अल्पवयीन मुलींवर लैंगिक अत्याचार केल्याचा आरोप असलेला आरोपी अक्षय शिंदेच्या कथित चकमकीला त्यांच्या वडिलांकडून हायकोर्टात आव्हान देण्यात आलं आहे. या प्रकरणातील मूळ आरोपींना वाचविण्यासाठी अक्षयचा एन्काउंटर केला असल्याचा आरोप त्यांनी केला. या कथित चकचकीबाबतचे पुरावेही नष्ट करण्याची भिती अक्षयचे वडील अण्णा शिंदे यांनी याचिकेतून व्यक्त केली आहे.