Special Report US Benifiting from War : युद्ध लांबल्यामुळे अमेरिकेचा खर्च वाढतोय पण..

Special Report US Benifiting from War : युद्ध लांबल्यामुळे अमेरिकेचा खर्च वाढतोय पण.. 

रम्यान, रशियाचे राष्ट्राध्यक्ष व्लादिमीर पुतिन यांनी इराणी जनतेला नवरोजच्या शुभेच्छा दिल्या. ते म्हणाले की, रशिया कठीण काळात इराणच्या पाठीशी उभा राहील आणि तो त्यांचा खरा मित्र आहे. रशियाने असेही म्हटले की, अमेरिका आणि इस्रायलच्या हल्ल्यांमुळे मध्य-पूर्वेतील परिस्थिती बिघडली आहे आणि त्यामुळे जागतिक तेल संकट आणखी गंभीर होऊ शकते. रशियाने इराणी नेते अली खामेनी यांच्या हत्येचा निषेधही केला.

इराणी तेल विकत घेण्यास 30 दिवसांची परवानगी

दुसरीकडे, अमेरिकेने इराणच्या कच्च्या तेलाची (Crude Oil) तात्पुरती विक्री आणि वितरणास अधिकृत मान्यता दिली आहे. राॅयटर्सने दिलेल्या वृत्तानुसार ही परवानगी तात्पुरती असून या तेलाच्या विक्रीतून मिळणारा पैसा इराणला थेट लष्करी कारवायांसाठी वापरता येणार नाही, यावर अमेरिकेचे नियंत्रण असेल. विशिष्ट देशांना किंवा कंपन्यांनाच हे तेल खरेदी करण्याची मुभा देण्यात आली आहे. युद्धामुळे विस्कळीत झालेला पुरवठा पूर्ववत करण्यासाठी समुद्रात जहाजांवर असलेले सुमारे 14 कोटी बॅरल तेल जागतिक बाजारात आणण्याचा अमेरिकेचा प्रयत्न आहे. 

भारतासाठी हा निर्णय का महत्त्वाचा?

भारत आपल्या गरजेच्या तब्बल 90 टक्के तेलाची आयात करतो.  भारताचे 60 टक्क्यांहून अधिक कच्चे तेल आखाती देशांतून (इराक, सौदी अरेबिया, कुवेत, युएई) येते. यातील अर्धे तेल 'होर्मुझच्या सामुद्रधुनीतून' (Strait of Hormuz) येते, जी सध्या युद्धामुळे बंद पडली आहे. त्यामुळे पर्यायी आणि स्वस्त तेलाचा पुरवठा भारतासाठी अत्यंत गरजेचा आहे.

इराणचा हिंद महासागरातील अमेरिकी तळावर हल्ला

दरम्यान, इराणने सकाळी हिंद महासागरातील अमेरिका-ब्रिटन संयुक्त लष्करी तळ असलेल्या डिएगो गार्सियावर बॅलिस्टिक क्षेपणास्त्रे डागली. सीएनएनच्या वृत्तानुसार, अमेरिकी अधिकाऱ्यांनी याला दुजोरा दिला. इराणने दोन क्षेपणास्त्रे डागली, परंतु त्यापैकी एकही तळावर आदळले नाही. हा तळ इराणच्या किनारपट्टीपासून सुमारे 3810 किलोमीटर आणि तेहरानपासून 5 हजार किलोमीटरपेक्षा जास्त अंतरावर आहे. डिएगो गार्सिया हा अमेरिकेसाठी एक महत्त्वाचा लष्करी तळ आहे. या तळावरून अमेरिकेची बॉम्बर विमाने वापरली जातात. मोठी टँकर विमाने (केसी-135) आणि निगराणी विमाने देखील येथून कार्यरत राहू शकतात.