Pune Car Accident Case : अल्पवयीन आरोपींच्या ब्लड सॅम्पलमध्ये फेरफारप्रकरणी ससूनचे दोन डॉक्टर अटकेत

Pune Car Accident Case : अल्पवयीन आरोपींच्या ब्लड सॅम्पलमध्ये फेरफारप्रकरणी ससूनचे दोन डॉक्टर अटकेत

Pune Porsche Car Accident : पुण्यातील सरकारी रुग्णालय असलेल्या ससून रुग्णालयातील कारभार आता दिवसागणिक चव्हाट्यावर येऊ लागला आहे. ड्रग्स प्रकरणात ललित पाटील ड्रग्ज प्रकरणांमध्ये या रुग्णालयाचे लक्तरे वेशीवर टांगली गेल्यानंतर आता अग्रवाल पोर्शे कार अपघात प्रकरणात (Pune Porsche Car Accident) सुद्धा या डॉक्टरांनी कारनामा केल्याचे समोर आलं आहे. ससून रुग्णालयातील फॉरेन्सिक विभागाचा प्रमुख डॉ. अजय तावरे आणि श्रीहरी हळनोर यांनी बिल्डर विशाल अग्रवालच्या अल्पवयीन पोराला वाचवण्यासाठी ब्लड सॅम्पल घेऊन ते कचऱ्याच्या डब्यात फेकून दिलाचा धक्कादायक प्रकार उघडकीस आला आहे. 

विशाल अग्रवालच्या फोनवर डॉक्टर अजय तावरेचा कॉल

इतकंच नव्हे तर त्या अल्पवयीन पोराला वाचवण्यासाठी दुसरेच सॅम्पल घेऊन ते तपासल्याचं समोर आला आहे हा सर्व प्रकार पुणे पोलिसांनी दिलेल्या दुसऱ्या संपलमध्ये समोर आला आहे. पहिल्या सॅम्पलमध्ये अग्रवालच्या अल्पवयीन पोराचा रिपोर्ट निगेटिव्ह आल्यानंतर पोलिसांचा संशय बळवल्याने त्याचा दुसरा ब्लड सॅम्पल घेत औंधमधील सरकारी रुग्णालयात देण्यात आलं होतं. त्याठिकाणी विशाल अग्रवाल आणि त्याच्या पोराचे सॅम्पल मॅच झाल्याने डॉ. श्रीहरी आणि अजय तावरेला पुणे पोलिसांनी अटक केली आहे. त्या दोघांना आज न्यायालयात हजर केलं जाणार आहे.