Pune MNS : मनसेतील नाराजीनाट्यानंतर पुण्यातील पदाधिकाऱ्यांना मुंबईत बोलावणं ABP Majha

मनसे अध्यक्ष राज ठाकरे यांनी मशिदीवरील भोंग्याबाबत घेतलेल्या भूमिकेनंतर पुण्यात मनसेत नाराजीनाट्य रंगलं. काही मुस्लिम मनसैनिकांनी राज ठाकरेंच्या भूमिकेबाबत नाराजी व्यक्त केली. या नाराजीनाट्यानंतर पुण्यातील प्रमुख पदाधिकाऱ्यांना आज राज ठाकरे यांनी मुंबईत बोलावलं आहे. यात मनसेचे पश्चिम महाराष्ट्राचे नेते बाबू वागसकर, अनिल शिदोरे आणि नगरसेवक साईनाथ बाबर यांचा समावेश आहे. पण राज ठाकरेंच्या भूमिकेमुळे आपली अडचण झाल्याचं जाहीरपणे सांगणाऱ्या शहराध्यक्ष आणि नगरसेवक वसंत मोरे यांना मात्र राज ठाकरे यांनी मुंबईत बोलावलेलं नाही. त्यामुळे वसंत मोरे काय करणार याकडे सगळ्यांचं लक्ष असेल.