Marathi Film Promotion | थिएटरला गेला नाहीत, तर सिनेमा कसा चालणार? मराठी अभिनेत्री रस्त्यावर

मृण्मयी देशपांडे दिग्दर्शित मन फकिरा या सिनेमाचं हटके प्रमोशन पाहायला मिळतंय. पुण्यामध्ये मृण्मयीसह अभिनेता सुव्रत जोशी, अभिनेत्री सायली संजीव हातात सिनेमाच्या प्रमोशनचे फलक घेऊन पाहायला मिळाले. मात्र यावरचे मजकूरही भन्नाट आहेत. “मराठी लोकांनी थिएटरमध्ये जाऊन सिनेमा पहिलाच नाही तर मराठी सिनेमा चालणार कसा?’’, “आमच्या सिनेमाच्या प्रमोशनसाठी आम्ही तुमच्याकडे आलोय, तुम्ही थिएटरमध्ये तरी या..अशाप्रकारचा मेसेज या फलकांवर पहायला मिळतोय. पुण्यातील गुडलक कॅफे, डेक्कन जिमखानाजवळ हे हटके प्रमोशन करण्यात आलं. हा सिनेमा ६ मार्चला प्रदर्शित होतोय