Pune Metro ला Pm Narendra Modi यांनी हिरवा झेंडा दाखवलाय, मोदींच्या हस्ते उद्घाटन : ABP Majha

बहुप्रतीक्षित पुणे मेट्रोला पंतप्रधान नरेंद्र मोदी यांनी हिरवा झेंडा दाखवलाय. एकूण ३३ किमी लांबीच्या पुणे मेट्रो रेल्वे प्रकल्पाच्या १२ किमी लांब मार्गाचे मोदींच्या हस्ते उद्घाटन करण्यात आलं. यावेळी मोदींनी पुणे मेट्रो आराखड्याची पाहणी केली. 
यानंतर मोदींनी मेट्रोचं मोबाईल तिकीट काढलं. महामेट्रोच्या नव्या अॅल्युमिनियम निर्मित वजनाने हलक्या कोचमधून गरवारे कॉलेज ते आनंदनगर दरम्यान पुणे मेट्रोतून मोदींनी प्रवास केला. यावेळी शाळकरी विद्यार्थी आणि दिव्यांगांसोबत मोदींनी संवाद साधला. 
२४ डिसेंबर २०१६ रोजी पंतप्रधानांच्या हस्ते या प्रकल्पाची पायाभरणी करण्यात आली होती. आता पुणे मेट्रोच्या २ मार्गिकांचं उद्घाटन झाल्याने पुणेकरांचा प्रवास गारेगार आणि सुपरफास्ट होणार आहे.