Pimpri | कारवाई टाळण्यासाठी चालकाचा वाहतूक पोलिसांना बोनेटवर घेऊन जीवघेणा प्रवास, थरार कॅमेऱ्यात कैद

पिंपरी चिंचवड : महाराष्ट्र पोलिसांवरील हल्ले काही कमी होताना दिसेनात. आज तर पिंपरी चिंचवडमधील एका चालकाने वाहतूक पोलिसास जीवे मारण्याचाच प्रयत्न केला. गाडी रोखणाऱ्या वाहतूक पोलिसास या चालकाने बोनेट वर बसवून एक किलोमीटरपर्यंत सुसाट प्रवास केला. दुचाकीस्वार आणि रिक्षाचालकांच्या प्रसंगावधानपणा दाखवल्याने त्यांचा जीव वाचलाय. हा थरार मोबाईल कॅमेरा आणि सीसीटीव्हीत कैद झाला आहे.