Sharad Pawar Meeting : शरद पवारांनी दिल्लीत बोलावली राष्ट्रवादीच्या कार्यकरिणीची बैठक : ABP Majha

राष्ट्रवादी काँग्रेसमधील फुटीनंतर आज दिल्लीत शरद पवार राष्ट्रवादी काँग्रेसच्या कार्यकारिणीची बैठक घेणार आहे. २ जुलै रोजी अजित पवार यांनी ८ आमदारांसह शिंदे-भाजप सरकारमध्ये शपथविधी घेतला. त्यानंतर अजित पवार यांनी राष्ट्रवादी काँग्रेसचे अध्यक्ष असल्याचा दावा निवडणूक आयोगाकडे केलाय. काल मुंबईत शरद पवार आणि अजित पवार यांनी जोरदार शक्तिप्रदर्शन केलं. त्यात आरोप-प्रत्यारोपांच्या फैरी झडल्या. या पार्श्वभूमीवर पवारांनी आज दिल्लीत कार्यकारिणीची बैठक बोलावलीय. या बैठकीत राष्ट्रवादी काँग्रेसमधील संघटनात्मक बदलांच्या दृष्टीने काही महत्त्वाचे निर्णय होण्याची शक्यता आहे.