Rahul Gandhi Meet Uddhav Thackeray :राहुल गांधी मातोश्रीवर येणार, सावरकर वादानंतर डॅमेज कंट्रोल?

महाविकास आघाडीत मोठ्या प्रमाणावर डॅमेज कंट्रोल सुरू आहे असं दिसतंय. कारण राहुल गांधी लवकरच मातोश्रीवर येणार असल्याचं कळतंय. दौऱ्याची नेमकी तारीख निश्चित झाली नसली तरी येत्या काही दिवसांत ही भेट होणार आहे. स्वातंत्र्यवीर सावरकर यांच्यावर राहुल गांधींनी टीका केल्यामुळे महाविकास आघाडीत वाद निर्माण झाला होता. त्यानंतर पवारांनी डॅमेज कंट्रोल केलं होेतं, मात्र ठाकरे आणि गांधींमध्ये संवाद झाला नव्हता. मात्र महाविकास आघाडी टीकवायची असेल तर ठाकरेंना सतत दुखावून चालणार नाही, हे आता बहुधा काँग्रेसला उमगलं असावं, असं राजकीय जाणकारांचं मत आहे.