MVA Mahamorcha : मविआच्या महामोर्चाला पोलिसांची परवानगी मिळण्याच्या शक्यता धुसर

महापुरुषांबद्दल झालेली वादग्रस्त वक्तव्य, महाराष्ट्र-कर्नाटक सीमावाद, महाराष्ट्राबाहेर गेलेले प्रकल्प याशिवाय विविध मुद्द्यांवरुन सरकारला घेरण्यासाठी उद्या महाविकास आघाडीनं महामोर्चाचं आयोजन केलंय. मात्र या मोर्चाला पोलिसांकडून परवानगी मिळणार नसल्याचं कळतंय. त्यामुळे पोलिसांच्या परवानगीशिवाय महाविकास आघाडी मोर्चा काढणार का असा सवाल उपस्थित होतोय. दरम्यान परवानगी मिळाली नाही तर मोर्चा काढणारच असा निर्धार महाविकास आघाडीच्या प्रमुख नेत्यांनी काल झालेल्या बैठकीत व्यक्त केलाय.