MVA Seat Sharing : महाविकास आघाडीची अंतिम यादी आज जाहीर : ABP Majha

महाविकास आघाडीची अंतिम यादी आज जाहीर करण्य़ात आली. ठाकरे गट २१ जागा, काँग्रेस १७ आणि राष्ट्रवादी काँग्रेस शरदचंद्र पवार पक्ष १० जागा लढवणार आहे. सर्वात महत्त्वाचं म्हणजे ज्या जागेवरून मविआमधून प्रचंड वादंग झाला, ती सांगलीची जागा ठाकरे गटच लढवणार आहे. त्यामुळे विशाल पाटील आणि विश्वजीत कदम यांना आता तलवार म्यान करावी लागणार आहे. तर दुसरीकडे, भिवंडीची जागा राष्ट्रवादी काँग्रेसकडे गेली आहे. मुंबईतील ठाकरे गटाच्या शिवालय या कार्यालयात आज महाविकास आघीडीची संयुक्त पत्रकार परिषद पार पडली. शरद पवार, उद्धव ठाकरे, नाना पटोले, बाळासाहेब थोरात, पृथ्वीराज चव्हाण, संजय राऊत आदी नेते उपस्थित होते.