Mumbai :पाच लाखांच्या एकूण सात दुचाकी जप्त,पार्क केलेल्या दुचाकी चोरणारी टोळी गजाआड : ABP Majha

 तुमची दुचाकी तुम्ही ज्या ठिकाणी पार्क केली आहे.. ती सुरक्षित आहे का.. हा प्रश्न विचारण्याचं कारण म्हणजे मुंबई पोलिसांनी दुचाकी चोरणाऱ्या एका टोळीचा पर्दाफाश केला. तब्बल 7 बाईकची चोरी करणाऱ्या चार जणांना पोलिसांनी अटक केलीय. या चौघांच्या अटकेनंतर धक्कादायक माहिती समोर आलीय. यूट्यूबवर दुचाकी चोरीचा व्हीडिओ पाहून चौघांनी ही चोरी केली. यूट्यूबवरील व्हीडिओ पाहून हे चौघं मुंबईत चोरी करण्यासाठी निघायचे. यानंतर सांताक्रुझ, अंधेरी, कांदिवली, गोवंडी, उरण, जुईनगर या भागातील दुचाकी त्यांनी चोरल्यात. या चोरट्यांकडून पोलिसांनी चोरीच्या सात दुचाकी जप्त केल्या असून त्याची किंमत 5 लाखांच्या घरात आहे.