Skating competition | कल्याण क्रीडा महोत्सवातील स्केटिंग स्पर्धेत संतोष अॅकॅडमीचा डंका; 18 सुवर्णपदकांसह विजेतेपदाचा मान

मिरा रोडच्या संतोष अॅकॅडमीनं कल्याण क्रीडा महोत्सवातल्या स्केटिंग स्पर्धेत 18 सुवर्णपदकांसह विजेतेपदाचा मान मिळवला. कल्याणच्या पीएस अॅकॅडमी आणि उल्हासनगरच्या मोहित अॅकॅडमीला प्रत्येकी 13 सुवर्णपदकांसह संयुक्त उपविजेतेपदावर समाधान मानावं लागलं. बदलापूरची पोदार स्कूल अॅकॅडमी नऊ सुवर्णपदकांसह तिसऱ्या स्थानावर आली. बापगावच्या आकार क्लबनं जिम्नॅस्टिक्स स्पर्धेवर वर्चस्व राखलं. किक बॉक्सिंग स्पर्धेत कल्याणच्या खेळाडूंनी चांगली कामगिरी बजावली.