Fire Department Bharti :अग्निशमन भरतीसाठी आलेल्या तरुणांची उपेक्षा, महापालिकेकडून सोयीसुविधांचा अभाव

मुंबई अग्निशमन दलात भरतीसाठी आलेल्या तरुणांना कालची रात्र कडाक्याच्या थंडीत उघड्यावर झोपून काढावी लागली. मुंबई महापालिकेनं या तरुणांसाठी दहिसर येथे कोणतंही नियोजन केलेलं नव्हतं. त्यामुळं महाराष्ट्राच्या कानाकोपऱ्यातून आलेल्या तरुणांना कडाक्याच्या थंडीत उघड्यावर झोपावं लागलं. या प्रकरणात मनसेनं आवाज उठवला आहे. अग्निशमन दल किंवा मुंबई महापालिकेतील भरतीसाठी येणाऱ्या तरुणांच्या सोयीसुविधांकडे प्रशासनानं लक्ष देण्याची मागणी करण्यात आली आहे.