BMC Furniture Scam : फर्निचर घोटाळ्यात नवा ट्विस्ट, कंत्राटदाराचा VJTI च्या आधिकाऱ्यावर गंभीर आरोप
Download ABP Live App and Watch All Latest Videos
View In Appमुंबई : मुंबई सुशोभीकरण फर्निचर घोटाळ्यात (Furniture Scam) आता कंत्राटदारही आरोप करू लागले आहेत. रस्त्याच्या कडेला लावलेल्या रेलिंगचा गुणवत्ता अहवाल सकारात्मक देण्यासाठी तब्बल 50 लाखांची लाच व्हिजेटीआयच्या अधिकाऱ्याने मागितली असा आरोप करण्यात आलाय. व्हिजेटीआयचे अधिकारी दत्ताजी शिंदे आणि अमित कांबळे यांनी पन्नास लाख रुपये व्हॉट्स अपवर मागितले असा आरोप करण्यात आलाय. साई सिद्धी इन्फ्रा कंत्राटदाराने मुख्यमंत्र्यांना पत्र लिहीत हा गंभीर आरोप केलाय. लाच न दिल्यामुळे त्या अधिकाऱ्याने अमेरिकेत बसून नकारात्मक अहवाल दिला असा आरोप कंत्राटदाराने केलाय.
सांताक्रूज येथील मिलन सबवेच्या सुशोभीकरण करण्यासाठी साई सिद्दी इंफ्रा या कंपनीला पालिकेचे दीड कोटीचे कंत्राट लागले.सदर कंपनीने सुशोभीकरण आणि रस्त्यांच्या कडेला रेलिंग उभारण्याचे सर्व काम पूर्ण ही केले.मात्र इथे मोनोपोली असलेले कंत्राटदारांनी त्यांना त्रास देण्यास सुरुवात केली. पालिकेचे अधिकारी आणि कंत्राटदारांची माणसे त्यांना धमकावू लागली.यात व्हीजेटीआय च्या दोन अधिकाऱ्यांनी तर रेलिंगची गुणवत्ता परीक्षण रिपोर्ट पॉजिटिव्ह देण्यासाठी पन्नास लाख रुपयांची मागणी केली. ते कंत्राटदारांने दिले नाही म्हणून थेट अमेरिकेत बसून इथे निगेटिव्ह रिपोर्टवर सही करून पाठविल्याचा आरोप आहे. या कंत्राटदराने लावलेल्या रेलिंगचे परीक्षण पालिकेने व्हिजेटीआयमधून करण्यास सांगितले.