ST Strike : एसटी संपावर तोडगा काढण्यासाठी कर्मचाऱ्यांना पगारवाढीचा प्रस्ताव, सूत्रांची माहिती

परिवहन मंत्री अनिल परब अजित पवारांची भेट घेतली आहे. त्यामुळे एसटी संपासंदर्भात आजच तोडगा निघण्याची शक्यता आहे. एसटी संपासंदर्भात संध्याकाळी 6 वाजता मोठी घोषणा होण्याची शक्यता आहे. एसटी कर्मचाऱ्यांचं शिष्टमंडळ आणि परब यांच्यात बैठक झाली असून त्यानंतर परिवहन मंत्री अनिल परब यांची संध्याकाळी 6 वाजता महत्त्वाची पत्रकार परिषद होणारे आहे. एसटी संपावर तोडगा काढण्यासाठी कर्मचाऱ्यांना पगारवाढीचा प्रस्ताव देण्यात येणार असल्याची माहिती आहे. असं झाल्यास पगारवाढीमुळे सरकारवर 600 कोटींचा भार येणार आहे.