Dharavi Mumbai : बनावट दारूचा साठा जप्त, उत्पादन शुल्क विभागाच्या कारवाईत तिघांना अटक

Dharavi : नवीन वर्षाच्या स्वागतासाठी होणाऱ्या पार्ट्यांमध्ये बनावट दारु विकण्याचा घाट एका टोळीनं घातला होता. मात्र तो डाव तडीस नेण्यापूर्वीचं राज्य उत्पादन शुल्क विभागानं मोठी कारवाई केली आहे. मुंबईतल्या धारावी परिसरात छापेमारी करुन लाखो रुपयांचा बनावट दारूचा साठा जप्त करण्यात आलाय. विदेशी दारुंच्या बाटल्यांमध्ये बनावट दारु भरून ती विकण्यात येणार होती. मात्र खबऱ्यानं दिलेल्या माहितीच्या आधारे राज्य उत्पादन शुल्क विभागानं धाड टाकली. या कारवाईत एकूण 3 जणांना अटक करण्यात आली असून त्यांना 28 डिसेंबरपर्यंत कोठडी सुनावण्यात आलीय.