Mumbai : मुंबईतील मैदानाला टिपू सुलतानचं नाव देण्यावरून भाजपचं शिवसेनेवर टीकास्त्र, काय आहे प्रकरण?

शिवाजी महाराजांच्या भूमीत टिपू सुलतानचा सन्मान केला जात आहे, अशा शब्दांत भाजप नेत्यांनी आज शिवसेनेवर टीकास्त्र सोडलं. मंत्री अस्लम शेख यांच्या मतदारसंघातल्या क्रीडा संकुलाला टिपू सुलतानचं नाव देण्यात येणार आहे. त्यावरून भाजप नेत्यांनी शिवसेनेला लक्ष्य केलंय. ठाकरे सरकारच्या मंत्र्यांनी टिपू सुलतानच्या नावाने मैदानाचं उद्घाटन करायला सुरुवात केलीय, हे खपवून घेणार नाही, असं भाजप आमदार राम कदम यांनी म्हटलंय. तर सत्तेसाठी शिवसेना लाचार झालीय अशी टीका आशिष शेलार यांनी केलीय. तर महापौर किशोरी पेडणेकर यांनी त्यांना उत्तर दिलंय.