ST Strike Mumbai : एसटी कर्मचाऱ्यांच्या समर्थनार्थ आझाद मैदानात भाजप नेत्यांचं ठिय्या आंदोलन

एसटी कर्मचाऱ्यांच्या समर्थनार्थ मुंबईतील आझाद मैदानात भाजप नेत्यांच्या नेतृत्वात ठिय्या आंदोलन सुरु आहे. रयत क्रांती संघटनेचे सदाभाऊ खोत, भाजप आमदार गोपीचंद पडळकरांच्या नेतृत्वात आंदोलन करण्यात येतंय. आज या आंदोलनाला मनसे सरचिटणीस संदीप देशपांडेंनीही पाठिंबा दर्शवला. त्यावेळी त्यांनी सरकार जर पोलीस संरक्षणात एसटी सुरु करण्याच्या विचारात असेल तर आम्हाला रस्त्यावर उतरावं लागेल, असा इशारा दिलाय. सदाभाऊ खोत यांनी तर थेट परिवहनमंत्री अनिल परब यांच्या राजीनाम्याचीच मागणी केलीय. त्यामुळे एसटी कर्मचाऱ्यांच्या संपाला आणखी काय वळण लागतं, हे पाहावं लागेल.