Mungantiwar - Thackeray Meet | मुख्यमंत्री उद्धव ठाकरे आणि सुधीर मुनगंटीवार यांच्यात बंद दाराआड बैठक

मुंबई : मुख्यमंत्री उद्धव ठाकरे आणि माजी मंत्री सुधीर मुंनगटीवार यांच्यात बंद दाराआड बैठक पार पडली. सह्याद्री अतिथीगृहावर ही बैठक पार पडली. आगामी अर्थसंकल्प, भाजपमधल्या घडामोडी, मतदारसंघातल्या प्रश्नांवर या बैठकीत चर्चा झाल्याची शक्यता वर्तवण्यात येत आहे. गेले अनेक दिवस सुधीर मुंनगटीवार यांनी शिवसेनेवर सातत्याने टीका केली आहे. परंतु आज अचानक मुख्यमंत्री उद्धव ठाकरे यांच्यात अचानक झालेल्या भेटीनं राजकीय चर्चांना उधाण आलं आहे.

गेल्या काही दिवसांपासून भाजपकडून सुधीर मुनगंटीवार महाविकास आघाडीवर टीका करत होते. प्रामुख्याने ते शिवसेनेवर निशाणा साधत होते. परंतु, आज अचानक मुख्यमंत्री उद्धव ठाकरे आणि माजी मंत्री सुधीर मुंनगटीवार यांच्यात साधारण 15 ते 20 मिनिटं बंद दाराआड बैठक पार पडली. फडणवीस सरकारच्या काळात सुधीर मुनगंटीवार यांनी अर्थमंत्री म्हणून काम पाहिलं होतं. तसेच आता काहीच दिवसांत राज्याचा अर्थसंकल्प सादर करायचा आहे. त्यामुळे या पार्श्वभूमीवर ही बैठक झाली असावी, अशी शक्यताही वर्तवण्यात येत आहे.