Ministers Cars | तिजोरीत खडखडाट असताना मंत्री, अधिकाऱ्यांना 15 ते 20लाखांची गाडी घेण्यास परवानगी

कोरोनामुळं राज्य सरकारकडं पैसे नाहीत. तिजोरीत खडखडाट असताना राज्य सरकारनं आज मंत्री आणि अधिका-यांना मात्र 15 ते 20 लाख रुपयांच्या गाडया घेण्यास परवानगी दिली आहे. याबाबतचा आदेशही जारी करण्यात आला आहे. नव्या आदेशानुसार मंत्र्यांना 20 लाख रुपयांपर्यंतची गाडी घेता येणार असून प्रधान सचिवांना 15 लाख आणि त्यानंतर उतरत्या क्रमानं 9 लाखांपर्यंतची गाडी सरकारी अधिका-यांना मिळणार आहे. राज्यपालांना त्यांच्या पसंतीची गाडी घेण्याची मुभा असून त्याच्या किमतीवर कोणतेही बंधन नाही.