Marathwada Exit Poll 2024 : मराठवाड्यात कुणाचे किती खासदार येणार? एक्झिट पोलवर काय म्हणाले पत्रकार?

Marathwada Exit Poll 2024 : मराठवाड्यात कुणाचे किती खासदार येणार? एक्झिट पोलवर काय म्हणाले पत्रकार?

Lok Sabha Election Exit Poll Results 2024: देशात सध्या लोकसभा निवडणुकीच्या सातव्या टप्प्यातील मतदान चालू आहे. लवकरच मतदानाची ठराविक वेळ संपणार असून त्यानंतर वेगवेगळ्या माध्यम संस्थांचे एक्झिट पोल समोर येतील. या एक्झिट पोलच्या माध्यमातून देशात कोणाची सत्ता येणार? कोणाला किती जागा मिळणार? याचे अंदाज बांधले जातील. दरम्यान, या निवडणुकीत मराठवाड्यातील काही जागा चांगल्या चर्चेत राहिल्या. यात जालना, छत्रपती संभाजीनगर, नांदेड, धारावीश अशा जागांचा समावेश आहे. याच पार्श्वभूमीवर गेल्या कित्येक वर्षांपासून मराठवाड्यात पत्रकारिता करणाऱ्या स्थानिक पत्रकारांनी या निवडणुकीत कोण बाजी मारणार याचा अंदाज सांगितला आहे. 

पत्रकारांचे मत काय? 

बीडची निवडणूक सुरुवातीला एकतर्फी वाटत होती. पण नंतर ती अटीतटीची झाली. बीडचा निकाल पूर्वीप्रमाणेच लागणार. म्हणजेच ही जागा भाजपच्याच खिशात जाणार असं वाटतंय. या जागेवरून पंकजा मुंडे विजयी होण्याची शक्यता आहे, असे मत मराठवाड्यातील पत्रकार वसंत मुंडे यांनी व्यक्त केले आहे.