Zero Hour MLC Elections Full : कुणाचा बसणार नेम? कुणाचा होणार गेम? वि.परिषदेत कुणाचा कार्यक्रम?
विधान परिषद निवडणुकीला अवघे काही तास राहिलेले असताना पराभूत होणारा तो बारावा उमेदवार कोण याची उत्सुकता शिगेला पोहचलीय.. दगाफटका होऊ नये म्हणून प्रत्येक पक्षाने आपल्या आमदारांना हॉटेलमध्ये ठेवलंय.. त्यातच आता एका उमेदवाराने मोठं विधान केलंय.. महाविकास आघाडीचे उमेदवार आणि शेकापचे नेते जयंत पाटील यांनी काँग्रेसबद्दल मोठं वक्तव्य केलंय. काँग्रेसचे ३-४ आमदार क्रॉस वोटिंग करणार आहेत, ते फक्त कागदोपत्री काँग्रेसमध्ये आहेत, आम्ही त्यांना मोजतच नाही असं पाटील म्हणाले. तर काँग्रेसमधील तीन ते चार डाऊटफुल आमदार माहित आहेत, त्या आमदारांची व्यवस्था काँग्रेस पक्ष करेल, असं काँग्रेस आमदार कैलास गोरंट्याल म्हणालेत. उद्या होत असलेल्या विधान परिषद निवडणुकीत, एक अतिरिक्त उमेदवार असल्यामुळे.. सर्वच पक्षांकडून आमदारांची विशेष काळजी घेतली जातेय.. बैठका घेतल्या जातायत.. मोर्चेबांधणी सुरूय.. या निवडणुकीत महाविकास आघाडीचे तीन उमेदवार मैदानात आहेत.. हे तिन्ही उमेदवार निवडून आणण्यासाठी मविआकडून रणनीती आखली गेलीय.. पुरेसं संख्याबळ असल्याचा दावाही त्यांनी केलाय..