Zero hour Guest Centre Anil Bonde : दिल्लीत महत्वाची बैठक, राज्यात भाजप संघटनात्मक बदल करणार?

Zero hour Guest Centre Anil Bonde : दिल्लीत महत्वाची बैठक, राज्यात भाजप संघटनात्मक बदल करणार?

राज्यातील लोकसभा निवडणुकीत झालेल्या पिछेहाटीनंतर भारतीय जनता पार्टीत जोरदार घडामोडी घडत आहेत. काही दिवसांपूर्वी उपमुख्यमंत्री देवेंद्र फडणवीस यांनी त्यांना सरकारमधून मोकळं करावं अशी विनंती केली होती.  त्यावर फडणवीस यांना सरकारमध्ये राहण्याचे आदेश भाजपा हायकमांडनं दिले. त्यापाठोपाठ आज (मंगळवार, 18 जून) रोजी दिल्लीत भाजपाच्या कोअर कमिटीची बैठक झाली. या बैठकीत आगामी विधानसभा निवडणुकीसाठी रणनीतीवर चर्चा झाली आहे. 

भाजपाचे राष्ट्रीय अध्यक्ष जेपी नड्डा आणि माजी अध्यक्ष अमित शाह यांच्या उपस्थितीमध्ये झालेल्या या बैठकीला राज्यातून भाजपचे सात बडे नेते या बैठकीला उपस्थित होते.  भाजप प्रदेशाध्यक्ष चंद्रशेखर बावनकुळे, मुंबई भाजप अध्यक्ष आशिष शेलार, उपमुख्यमंत्री देवेंद्र फडणवीस यांच्यासह चंद्रकांत पाटील, पंकजा मुंडे, रावसाहेब दानवे, सुधीर मुनगंटीवार हे नेते या बैठकीला उपस्थित होते.