Maharashtra Winter : राज्यातील गुलाबी थंडी गायब होणार? उत्तरेकडील थंडीची लाट ओसरली

उत्तरेकडील थंडीची लाट ओसरायला लागल्यानं राज्यात रात्रीच्या किमान तापमानात काहीशी वाढ होण्याचा अंदाज हवामान खात्यानं वर्तवला आहे, म्हणजेच उद्यापासून राज्यातली गुलाबी थंडी गायब होण्याची शक्यता आहे. उत्तर भारतातील राजस्थान, पंजाब, चंडीगड, दिल्ली, हरियाणा या राज्यात गेले काही दिवस थंडीची तीव्र लाट आहे. राज्यातही त्यामुळे पारा बराच खाली आलाय. विदर्भ आणि मराठवाडा तर चांगलाच गारठलाय. मात्र आता लाट ओसरल्यानं राज्यात थंडी कमी होण्याची शक्यता आहे. 24 डिसेंबर नंतर उत्तरेकडील काही भागात बर्फवृष्टीचा अंदाज आहे. ही बर्फवृष्टी झाल्यास राज्यातला गारवा आणकी काही काळ टिकण्याचा अंदाज आहे.