Amol Muzumdar: 'तेंडुलकर, द्रविडमुळे संधी हुकली', 11 हजार धावा करणारा खेळाडू आता वर्ल्ड कप जिंकून देणार?

भारतीय महिला क्रिकेट संघाचे मुख्य प्रशिक्षक अमोल मुझुमदार (Amol Muzumdar) यांच्या नावाची सध्या जोरदार चर्चा आहे. मुझुमदार यांच्या मार्गदर्शनाखाली टीम इंडिया विश्वचषक जिंकण्यापासून फक्त एक पाऊल दूर आहे. बातमीनुसार, ‘सचिन तेंडुलकर (Sachin Tendulkar), राहुल द्रविड (Rahul Dravid), सौरव गांगुली (Sourav Ganguly) आणि व्हीव्हीएस लक्ष्मण (VVS Laxman) यांची तगडी मधली फळी असल्यामुळे अमोलला टीम इंडियामध्ये कधीच स्थान मिळालं नाही’. प्रथम श्रेणी क्रिकेटमध्ये (First Class Cricket) 171 सामन्यांत 11,167 धावा आणि 30 शतकं झळकावूनही त्यांना भारतीय संघात खेळण्याची संधी मिळाली नाही. ऑक्टोबर 2023 मध्ये मुझुमदार यांनी महिला संघाच्या मुख्य प्रशिक्षकपदाची सूत्रं स्वीकारली आणि त्यांच्या मार्गदर्शनाखाली संघाने चमकदार कामगिरी केली आहे. एक खेळाडू म्हणून हुकलेलं स्वप्न ते आता प्रशिक्षक म्हणून पूर्ण करण्याच्या तयारीत आहेत.