Maharashtra LIVE Superfast News : 6 AM : बातम्यांचा वेगवान आढावा : 18 AUG 2025 : ABP Majha

निवडणूक आयोगाने मतचोरीचा आरोप हा संविधानाचा अपमान असल्याचं म्हटलं आहे. आयोगाने दोन राजकीय पक्षांमध्ये कोणताही भेद करत नसल्याचे स्पष्ट केले. राजकीय पक्षांनी मतदार याद्यांची फेरतपासणी करण्याची मागणी केली होती, ती तपासणी सुरू असून पंधरा दिवसात त्रुटी समोर आणण्याचे आवाहन आयोगाने केले. उपराष्ट्रपती पदासाठी एनडीएकडून सी पी राधाकृष्णन यांना उमेदवारी जाहीर करण्यात आली आहे. जे पी नड्डांनी त्यांच्या नावाची घोषणा केली. एनडीएला विजयासाठी दोन शे ब्याण्णव मतांची गरज असून सध्या त्यांच्याकडे चार शे बावीस मतं आहेत, त्यामुळे राधाकृष्णन यांचा विजय निश्चित मानला जात आहे. केंद्रीय संरक्षण मंत्री राजनाथ सिंह यांनी खर्गेना फोन करून निवडणूक बिनविरोध व्हावी यासाठी प्रयत्न सुरू असल्याची माहिती सूत्रांनी दिली. राहुल गांधींनी निवडणूक आयोगाच्या पत्रकार परिषदेनंतर सवाल केला की, माझ्याकडे प्रतिज्ञापत्र मागणारा आयोग अनुराग ठाकूरांकडे शपथपत्र का मागत नाही. त्यांनी महाराष्ट्रातल्या मतदार यादीतल्या कथित घोटाळ्याचा मुद्दा उचलला. लोकसभेच्या निवडणुकीनंतर निवडणूक आयोगाने जादू करून एक कोटी नवे मतदार तयार केले असा आरोप त्यांनी केला. प्रहार जनशक्ती पक्षाचे बच्चू कडू यांनी विधानसभा निवडणुकीच्या आधी दहा हजार नावं काढून टाकण्याची ऑफर होती असा खळबळजनक दावा केला. उपमुख्यमंत्री एकनाथ शिंदे यांनी ठाण्यात लाडकी सूनबाई योजना जाहीर केली. राष्ट्रवादीचे ज्येष्ठ नेते प्रफुल्ल पटेलांनी २०१४ मध्येच भाजप आणि शिवसेनेने तसेच राष्ट्रवादी आणि काँग्रेसने हात सोडायचा ठरलं होतं असं वक्तव्य केलं. त्यांनी कार्यकर्त्यांना स्थानिक स्वराज्य संस्थांच्या निवडणुकीत युतीचा विचार डोक्यातून काढून टाकण्याच्या सूचना दिल्या. सोलापुरात आयटी पार्क उभारण्याची घोषणा मुख्यमंत्री देवेंद्र फडणवीसांनी केली. तुळजाभवानी मंदिराच्या तीर्णोद्धारावरून खासदार ओमराजे निंबाळकर आणि आमदार राणा जगजीतसिंघ पाटील आमने सामने आलेत.