Vice President Election | मतदान सुरू, PM Modi यांनी केलं पहिलं मतदान, INDIA आघाडीला BRS-BJD चा धक्का

उपराष्ट्रपतीपदाच्या निवडणुकीसाठी मतदान प्रक्रिया सुरू झाली आहे. पंतप्रधान नरेंद्र मोदी यांनी पहिले मतदान केले. संसद भवनामध्ये खासदारांच्या मतदानाला सुरुवात झाली आहे. आज उपराष्ट्रपतीपदाच्या निवडणुकीसाठी मतदान पार पडत आहे. संध्याकाळी उशिरापर्यंत निकाल जाहीर होण्याची अपेक्षा आहे. एनडीएच्या वतीने सी पी राधाकृष्णन यांना उमेदवारी देण्यात आली आहे. तर, इंडिया आघाडीच्या वतीने न्यायमूर्ती बी सुदर्शन रेड्डी यांना उमेदवारी मिळाली आहे. मात्र, निवडणुकीपूर्वीच रेड्डी यांना मोठा धक्का बसला आहे. भारत राष्ट्र समिती (BRS) चे चार राज्यसभा खासदार आणि बिजू जनता दल (BJD) चे सात खासदारांनी मतदानाला गैरहजर राहण्याचा निर्णय घेतला आहे. यामुळे इंडिया आघाडीला हा मोठा धक्का मानला जात आहे.