Gangaram Gavankar : ज्येष्ठ नाटककार गंगाराम गवाणकर अनंतात विलीन

ज्येष्ठ नाटककार आणि 'वस्त्रहरण' या अजरामर नाटकाचे लेखक गंगाराम गवाणकर यांचे सोमवारी निधन झाले. ते ८६ वर्षांचे होते. मालवणी नाटकांना मुख्य प्रवाहात आणून लोकप्रिय करण्याचं श्रेय गवाणकर यांना जातं. त्यांच्या 'वस्त्रहरण' या नाटकाने मालवणी भाषेला मोठी उंची गाठून दिली आणि त्याचे ५००० हून अधिक प्रयोग झाले. पु. ल. देशपांडे यांनीदेखील त्यांच्या या नाटकाची भरभरून प्रशंसा केली होती. 'वस्त्रहरण', 'मंदिरून किचन', 'वात्रट मेले' यांसारखी त्यांची अनेक नाटके गाजली. सुरुवातीच्या काळात MTNL मध्ये नोकरी करत त्यांनी आपला लेखनाचा छंद जोपासला. गवाणकर यांनी ९६ व्या अखिल भारतीय नाट्य संमेलनाचे अध्यक्षपदही भूषवले होते. त्यांच्या निधनाने मराठी रंगभूमी आणि साहित्य विश्वावर शोककळा पसरली आहे.