Dharmendra Health Update: धर्मेंद्र यांना Breach Candy रुग्णालयातून डिस्चार्ज

ज्येष्ठ अभिनेते धर्मेंद्र यांना मुंबईच्या ब्रीच कँडी रुग्णालयातून डिस्चार्ज देण्यात आला आहे. श्वास घेण्यास त्रास होत असल्याने त्यांना रुग्णालयात दाखल करण्यात आले होते, जिथे त्यांच्यावर सुमारे 12 दिवस उपचार सुरू होते. बुलेटिननुसार, प्रकृतीत सुधारणा झाल्याने धर्मेंद्र यांना रुग्णालयातून डिस्चार्ज देण्यात आला असून, त्यांचा मुलगा बॉबी देओल त्यांना रुग्णवाहिकेतून घरी घेऊन गेला. धर्मेंद्र यांच्या रुग्णालयात दाखल झाल्याच्या वृत्तानंतर त्यांच्या प्रकृतीसाठी चाहते प्रार्थना करत होते आणि अनेक बॉलिवूड कलाकारांनी रुग्णालयात जाऊन त्यांची भेट घेतली होती. आता त्यांना डिस्चार्ज मिळाल्याने चाहत्यांनी आणि चित्रपटसृष्टीने सुटकेचा निश्वास सोडला आहे.