Union Budget 2022 : राष्ट्रपतींच्या अभिभाषणाने आजपासून अर्थसंकल्पीय अधिवेशनाला सुरुवात

Union Budget 2022 : आजपासून संसदेच्या अर्थसंकल्पीय अधिवेशनाला सुरुवात होत आहे. प्रथेप्रमाणे, वर्षाचं पहिलं अधिवेशन असल्यामुळं याची सुरुवात राष्ट्रपती रामनाथ कोविंद (President Ram Nath Kovind) यांच्या अभिभाषणानं होणार आहे. राष्ट्रपती सेंट्रल हॉलमध्ये दोन्ही सभागृहांच्या संयुक्त अधिवेशनाला संबोधित करतील. राष्ट्रपतींच्या अभिभाषणातून सहसा सरकारच्या उपलब्धी आणि भविष्यातील योजनांचा तपशील दिला जाईल. तसेच, राष्ट्रपतींच्या अभिभाषणानंतर अर्थमंत्री निर्मला सीतारमण आर्थिक सर्वेक्षण अहवाल 2021-22 (Economic Survey) सादर करतील. ज्यामध्ये देशाच्या आर्थिक स्थितीचे तपशीलवार वर्णन सादर करण्याबरोबरच आर्थिक-सामाजिक धोरणं आणि कार्यक्रमांची भविष्यातील दिशा दर्शविली जाईल.