Sindhudurg Airport : चिपी विमानतळाच्या उद्घाटन कार्यक्रमात उध्दव ठाकरे आणि नारायण राणे बसणार शेजारी

सिंधुदुर्गातील चिपी विमानतळाचं आज उद्घाटन होणार आहे. अनेक दिवसांपासून चर्चेत असलेल्या या विमानतळाचं आज लोकार्पण होतंय. पण हा कार्यक्रम राणे आणि शिवसेना यांच्यातल्या वादाची नांदी ठरण्याची शक्यता आहे. कारण खुद्द नारायण राणे यांनी लोकार्पण कार्यक्रमात शिवसेनेच्या नेत्यांबद्दल मोठा गौप्यस्फोट करण्याचा इशारा दिलाय. या कार्यक्रमात उध्दव ठाकरे आणि नारायण राणे यांच्या खुर्च्या मात्र शेजारी ठेवण्यात आल्या आहेत आणि त्यामुळे सर्वांची उत्सुकता वाढली आहे.