ABP Majha Headlines : 07AM : 06 August 2025 : Maharashtra News : एबीपी माझा हेडलाईन्स

उद्धव ठाकरे आजपासून तीन दिवसांच्या दिल्ली दौऱ्यावर असून, उद्या INDIA आघाडीच्या बैठकीला उपस्थित राहणार आहेत. शरद पवार यांनी राहुल गांधींसोबत डिनर डिप्लोमसी केली. उपमुख्यमंत्री एकनाथ शिंदे आठवड्याभरात दुसऱ्यांदा दिल्ली दौऱ्यावर असून, पंतप्रधान मोदी आणि अमित शहा यांची भेट घेण्याची शक्यता आहे. ते इतर NDA नेत्यांनाही भेटणार आहेत. पंतप्रधान मोदी आज दिल्लीत कर्तव्यभवनचं उद्घाटन करणार असून, जाहीर कार्यक्रमाला संबोधितही करणार आहेत. स्थानिक स्वराज्य संस्थांच्या निवडणुका दिवाळीनंतर टप्प्याटप्प्याने होणार आहेत. महापालिका निवडणुकांसाठी डिसेंबर उजाडण्याची शक्यता आहे. भाजपकडून युवा वर्गावर विशेष लक्ष दिले जात आहे. युवा मोर्चाची आज सकाळी दहा वाजता बैठक असून, प्रदेशाध्यक्ष रवींद्र चव्हाण आणि आशिष शेलार उपस्थित राहणार आहेत. प्रहारचे अध्यक्ष बच्चू कडू आज मनसे अध्यक्ष राज ठाकरेंची भेट घेणार असून, आगामी शेतकरी आंदोलनासंदर्भात चर्चा करणार आहेत. आज चालू आर्थिक वर्षातील तिसरं द्वैमासिक पतधोरण जाहीर होणार आहे. रिझर्व बँकेचे गव्हर्नर संजय मल्होत्रा पतधोरण जाहीर करणार आहेत. डोनल्ड ट्रम्प यांनी भारतावर येत्या चोवीस तासांत वाढीव कर लादण्याची पुन्हा धमकी दिली आहे. "रशियाकडून तेल खरेदी करणाऱ्या भारतावर ट्रम्प खुष नसल्याचं त्यांनी स्पष्ट केलं." यामुळे रुपयाची किंमत आणखी घसरण्याची शक्यता आहे. उत्तराखंडच्या कीर गंगा परिसरात ढगफुटीमुळे महाप्रलय आला असून, चौघांचा मृत्यू झाला आहे. नांदेडमधील सगळे अकरा पर्यटक सुखरूप आहेत, तर दहा जवान बेपत्ता आहेत.