Raj Thackeray Uddhav Thackeray : शिवसेनेच्या दसरा मेळाव्यात राज ठाकरे जाणार? काय म्हणाले संजय राऊत?

राज्याच्या राजकारणात ठाकरे बंधूंच्या युतीबाबत खासदार संजय राऊत यांनी सूचक वक्तव्य केले आहे. दसऱ्याला उद्धव ठाकरे आणि राज ठाकरे यांच्यात वैचारिक आदानप्रदान होऊ शकते, असे राऊत म्हणाले. मागील काही दिवसांपासून राज ठाकरे दसरा मेळाव्याला उपस्थित राहणार का, यावर चर्चा सुरू आहे. जागा वाटप आणि युतीसंदर्भात प्राथमिक चर्चा झाल्याची माहिती आहे. दसऱ्याच्या मुहूर्तावर युतीबाबत काही घोषणा होणार का, याकडे सर्वांचे लक्ष लागले आहे. यापूर्वी सण आणि वाढदिवसाच्या निमित्ताने ठाकरे बंधूंच्या कौटुंबिक भेटी झाल्या आहेत. मनसे नेते अविनाश अभ्यंकर यांनी सांगितले की, "दोन ठाकरे बंधू जेव्हा कौटुंबिक एकत्र आले तेव्हा संपूर्ण महाराष्ट्राला आनंद झाला होता." युतीबाबतचा कोणताही निर्णय राज ठाकरेच घेतील, असेही अभ्यंकर यांनी स्पष्ट केले. दसऱ्याच्या निमित्ताने युतीचे सीमोल्लंघन होईल का, याबाबत महाराष्ट्राला उत्सुकता आहे.