Jai Shri Ram Row: 'जय श्रीराम' म्हटल्याने विद्यार्थ्याला मारहाण, Pen मधील शिक्षक Momin पोलिसांच्या ताब्यात

पेणमधील (Pen) न्यू इंग्लिश स्कूल जोहे येथे 'जय श्रीराम' म्हटल्याच्या कारणावरून शिक्षकाने आठवीच्या विद्यार्थ्याला बेदम मारहाण केल्याची धक्कादायक घटना घडली आहे. या प्रकरणी शिक्षक मोमीन (Momin) याला दादर पोलिसांनी (Dadar Police) ताब्यात घेतले असून, मनसे (MNS) आणि स्थानिक नागरिकांनी त्याच्या निलंबनाची जोरदार मागणी केली आहे. या घटनेनंतर, 'येथून पुढे मी आयुष्यात कधीही विद्यार्थ्याला कोणतीही शारीरिक किंवा शाब्दिक शिक्षा करणार नाही,' असे म्हणत मारहाण करणाऱ्या शिक्षकाने माफी मागितली आहे. स्वामी विवेकानंद शिक्षण संस्था, कोल्हापूरद्वारे संचालित या शाळेतील प्रकारानंतर परिसरात तणावाचे वातावरण निर्माण झाले होते. पोलिसांनी या प्रकरणी कायदेशीर कारवाई सुरू केली असून, शिक्षक निलंबनासाठी निवेदन देण्यात आले आहे.