Solapur : Petrol पंपावरील रांगेच्या वादातून हाणामारी, टोळक्याकडून दोन तरुणांना बेदम मारहाण

सोलापुरातील डफरीन चौकातील पेट्रोल पंपावर चार ते पाच जणांच्या टोळक्याने दोन तरुणांना बेदम मारहाण केली. काल रात्री सव्वा नऊच्या सुमारास ही घटना घडली. पेट्रोल पंपावर रांगेच्या वादातून ही हाणामारी झाली. पेट्रोल भरण्यासाठी दोन तरुण रांगेत होते. त्यावेळी विरुद्ध दिशेने एक दुचाकी आली आणि पंप ऑपरेटरला पेट्रोल भरण्यास सांगितलं. त्यावेळी रांगेतील तरुणांनी यावर आक्षेप घेतला. यामुळे संतापलेल्या तरुणांनी रांगेत उभे असलेल्या तरुणांच्या कानशिलात लगावली. तसंच इतर चार पाच जणांनीही या दोघांना बेदम मारहाण केली. यावेळी पेट्रोल पंपावरील साहित्याचीही नासधूस करण्यात आली.